Letra da Música: Van Horens - Gé Reinders

Mien moder die sjreef zich Van Horen
Pa zag det ze van adel woor
Maar moe zag: geluif d'r mer niks van
Oze vader dae waas gewoeen boor
Maar al waar haor familie dan neet van adel
Ze deje angers as die van Pa ziene kantj
Die Van Horens maakte vaol meer moele
Mit die waar altied van alles aan de handj

Want Van Horens die danse
Van Horens gaon nao 't cafe
Van Horens hobbe det Franse
Joie de vivre, sauve qui peut, hallikide

Die twee families kwome nooit same oppe kermis
Ze kwome altied enne daag nao elkaar
Van Horens Sjaak en Omen Antoon en Tante To
Vlaai en Koffie, jonge klaore en 'n sigaar
't Gesjprek waerde al sjnel geanimeerd
D'n eine zien jao waas veur d'n angere zo wie zo nae
Ich heur ze noe nag sjtraevele
Kan niks gaeve woe dae wont, dao wont dae

Want Van Horens die danse
Van Horens die moele veur twee
Van Horens hobbe det Franse
Joie de vivre, sauve qui peut, hallikide

Alles haet zien veur, alles haet zien taege
Eder meneer van laeve ziene eige pries
Van twee kenj kries se diene zaege
As se mazzel hobs dan vinjs se dien eige wies

En dao gaon die Van Horens op danse
Van Horens die gaon nao 't cafe
Van Horens hobbe det Franse
Joie de vivre, sauve qui peut
Want van Horens die danse
Van Horens die moele veur twee
Van Horens hobbe det Franse
Joie de vivre, sauve qui peut
Joie de vivre, sauve qui peut
Joie de vivre, sauve qui peut: Hallikide!