Letra da Música: Op De Bank In Belsj - Gé Reinders

Doe zaes al jaore det d'r toch get mot gebeure
Doe zaes al jaore det det toch zo neet geit
Ich wil dae zeiver nimmer heure
Doe wits al jaore waat dich toch te doon sjteit

Maar nae doe hobs jointjes taege de zorge
'n Fleske wien taege de pien
En die dropkes zinge alsmaar morge, morge
Zo hols se dich al jaore aan de lien

En op de bank in Belsj
Sjteit dien laeve
Op de bank in Belsj
Laeveslang vast
Op de bank in Belsj
Doe pies d'r naeve
Prachtige kaart, blindj gepast

Ich bon meuch aan uch sjtechele
Estebleef besjpaar mich dien gevit
Doot det maar bie de BBL in Maasmechelen
Die dinke mesjien waal mit dich mit

Want op de bank in Belsj
Sjteit dien laeve
Op de bank in Belsj
Laeveslang vast
Op de bank in Belsj
Doe pies d'r naevs
Prachtige kaart, maar blindj gepast

In godsnaam zek neet des se-n 't duis veur dien dochters
Det gluifs se zelf nog neet ins
Is 't neet tied om te zorge det die kinne zegke: oze pap, vreuger voch t'r
Noe, noe se nog kins?

Fuck de bank in Belsj
Dien laeve
Bie de bank in Belsj
Laeveslang vast
Van de bank in Belsj
Angers pies se d'r naeve
Veur sjpele groot slem sans a tout, hie waerd nieks gepast