Letra da Música: PUHUNAN - Gary Granada

Sa pamilihan ng lipunan, sarisarin'g paninda
May kanikaniyang puhunan: pera, utak at ganda
Ang ilan ay may pangalan, ang iba ay laway lang
May nagbabanalbanalan at mga manlilinlang

May namumuhunang pawis at hubad na katawan
Kahit pagod nila'y labis, sila'y hanggang doon na lang
Mas maigi ang may bahay at lupang paupahan
Kahit di maghanapbuhay, laging may laman ang tiyan

Ang negosyong magaling ay magbenta ng patay
Ngayo'y napakadaling humagilap ng bangkay
Dumating na sa sukdulan, buhay na'ng binubuwis
Inuutang sa pangalan ng ganansya't interes

Kung ang dulot ng sistema'y malaganap na lagim
Sa paggamit ng puhuna'y huwag nawa tayong sakim
Sa damdamin ng abang kagaya kong isang mortal
Ang dugo'y mas matimbang kaysa kapital

Napuna kong di maaring magkameron ang wala
Kung kaya ko minangyaring mangalakal ng bahagya
Upang matiyak ang tagumpay, naglakasloob akong
Sa maginoong sanay kumunsulta't magtanong

Nais ko sanang matutuna't nang gayo'y magaya ko
Paano kang namumuhunan, ba't ang yamanyaman mo
At ang agilang anghel ay nagladlad na ng anyo
Ang wika ni Tiyo Samuel: Ang puhunan ko'y kayo!