Letra da Música: Dito Na - Gary Granada

Dito na, dito na...

Dito na napalapit ang puso
Buhat nang minsan ay mapasyal
At sa nayong dati ay kaylayo
Dito na ako magtatagal

Sa haplos ng hangin mong amihan
At busilak na mga bukal
Ang sarapsarap na manirahan
Sa dampa ng iyong pagmamahal

Dito na rin magsisikhay
Dito na rin maghahasik
At kung sakaling maglalakbay
Dito at dito rin babalik
At ang damdaming nakapinid
Dito na rin maaantig
At mananahan dito sa iyong dibdib

Dito na pati ang mga labi
Ay natuto na magpahayag
At ngayon ko lamang nasasabi
Sa aking pinakaliliyag

Ang nilalaman nitong damdamin
Na laman ng bawat kong dasal
Na pag-ibig ko ay pagpalain
Sa dampa ng iyong pagmamahal

(Interlude)

At ang damdaming nakapinid
Dito na rin maaantig
At mananahan dito sa iyong dibdib

Ang nilalaman nitong damdamin
Na laman ng bawat kong dasal
Na pag-ibig ko ay pagpalain

Dito na, dito na, dito na, dito na
Dito na, dito, dito, dito na
Sa dampa ng iyong pagmamahal

Dito na, dito na...