Letra da Música: Nha Namorada - Gil

'N tchinga kansadu di, di nha trabadju
'Nha tira nha ropa tudu
Pa 'n toma un banhu
Kansera dja toman na korpu
'N priciza bu karinhu
O fofa da'n kel masagi di pe ti kabesa

'N trabadja di dia pa'n djudabu
'N trabadja di noti ku impenhu
'N prometebu amor pa iternidadi

Me so bo, so bo nha namorada
É bu surizu ki mi'nta adora
É bu manera di brasan
É bu manera di bejan
Tudu na bo é perfeitu pa mi
Se pa mi nos storia ka ten fim

Uh, fika kaladu
So nos korpu ki ta fala li
Nu ka priciza palavras
Imagina ki nu sta na un viagem di komboiu
Tuka, tuk, tuk, tuka, tuk, tuku ti manxi,
sem para, sem para

'N trabadja di dia pa'n djudabu
Di noti 'ntrabadja ku impenhu
'Nta fazi di tudu pa bo nha namorada

Me so bo, so bo nha namorada
É bu surizu ki mi'nta adora
É bu manera di brasan
É bu manera di bejan
Tudu na bo é perfeitu pa mi
Se pa mi nos storia ka ten fim

'Nta trabadja dia dia noti noti
Pa'n podi djudabu
Menina flan kure ki bu kre
Tudu pa mi'nta dabu
Bu karinhu ki ta kaban ku tudu kansera
Pertan, bu brasan, bu bejan
Me so bo nha namorada